Aliansa Patriótiko

Hirsch Balin na kareda

Aliansa Patriótiótiko a haña sa ku Ernst Hirsch Balin lo bin Kòrsou pa entre otro duna un konforensha di prensa pa ‘bende’ su lei diskriminatorio i rasista. Hirsch Balin ta e outor intelektual di tur e dokumentonan i desishonnan ku ta kita nos outonomia i asina krea un desigualdat den Reino Ulandes. P’esei mesora Aliansa Patriótiko a kuminsá mobilisá i den kontakto ku Fundashon Kòrsou Fuerte a tuma kontakto ku otronan pa un manifestashon. Esaki lo a tuma lugá awe djamars 13 di òktober 2009 na e Restorant Angelica’s Delight na Hoogstraat den Otrabanda di 8or pa 9or di mainta. E manifestashon tabata un ‘welcome party’ pa Hirsch Balin.

Durante di e fiesta di bon biní aki lo a mustra Hirsch Balin kiko nos ta pensa di dje i su lei rasista. Den e preparashon aki naturalmente e muchanan mandá di Hirsch Balin a tuma nota di e ‘welcome party’ aki i a notifá Hirsch Balin ku tin un sorpresa pe. Konsekuensha: Hirsch Balin, mister Hip Hop, Na Kareda! A duna òrdu na Minister President pa bai yora na radio i bin splika kon bon hende Hirsch Balin ta i kuantu e pober stima nos. Wel, wel. Di e manera aki un akshon mas di Aliansa Patriótiko a resultá eksitoso, pakolmo e bia aki sin ku ela tuma lugá mes.

Awor ta kita mester kita e lei rasista aki for di mesa. Ta e lei mester sali na kareda.

Mientras ku e lei rasista aki ta riba mesa, Ulanda ta dal nos Staten i nos Eilandsraad i bòftá den nan kara. Esaki debí na e echo ku tur partido polítiko na Kòrsou a bisa ku e lei aki ta ‘volstrekt onaanvaardbaar’. Pues ku e lei riba mesa, e hasimentu di politikeria barata di 10-10-10 ta ridikulisá nos Staten, nos Eilandsraad i nos pueblo dilanti kara di mundo. Tanchi Mè no por kompronde a ni esaki tampoko?!

Un biaha mas: “Kòrsou Quo Vadis?!”

Direktiva di Aliansa Patriótiko