Asamblea di pueblo

Reunion general di Aliansa Patriótiko

Djadumingu awor 13 di sèptèmber 2009, pa 4or di atardi Aliansa Patriótiko ta tene su asina yamá Asamblea di Pueblo, kual ta su reunion general na sede di PLKP.

Despues ku Aliansa Patriótiko a fortifiká su struktura bayendo den su regionnan i lantando e Komiténan Patriótiko, awor a ta ora pa determiná e kontenido di e plan di akshon nobo.

Banda di e puntonan di e plan di akshon, tambe lo diskutí riba e situashon aktual di Kòrsou. Esaki ta enserá e desaroyo di e proseso di struktura estatal, e situashon polítiko elektoral, e subida drastiko i inhumano di awa i elektrisidat, subida di kosto di bida i su konsekuenshanan pa e bienestar di nos pueblo. E Asamblea aki ta sumamente importante pa desaroyo, kresimentu i fortalesementu di Aliansa Patriótiko. Aliansa Patriótiko ku ta un organisashon di mas independiente ta sigui e lucha pa logra emansipashon di pueblo di Kòrsou. Nos ta keda apoyá tur ingrediente na fabor di e emansipashon aki i rechasá tur lokual ta stroba e emansipashon basá riba nos derecho inalienabel di outodeterminashon.

Pues e lucha ta kontinuá ku nos Asamblea di Pueblo kual ta tuma lugá djadumingu awor 13 di sèptèmber 2009 pa 4or di atardi na sede di PLKP.

Direktiva di Aliansa Patriótiko